फॉरमॕट

.
तेव्हा
'वाचून फाडून टाक'
असं म्हणून
तू लिहिलेली पत्रं
लैमिनेशन करून
कपाटात जपून ठेवली होती..
.
आणि 
'बघून डिलीट करून टाक'
असं म्हणून
तू पाठवलेल्या
मैसेजचे स्क्रीनशॉट्स
ड्राईव्हवर लपवून ठेवले होते..
.
कपाट 
केव्हाच भंगारात विकलंय
अन् आज सकाळीच
ड्राईव्हचा पासवर्डही विसरलोय..
.
मी,
'तू सांगितल्याप्रमाणे 
वागलो नाही' म्हणून
तू ही सोडून गेलीआहेस..
.
पुन्हापुन्हा
मेमरी फॉरमैट करतोय..
पण
ही एक फाईल 
काहीकेल्या डिलीट होत नाहीये..!
****
***:/