पत्र

मी तुला एक पत्र पाठवलं..
.
आणि 
तुझ्या प्रतिसादाची
वाट बघत बसलो..!
.
पत्र लिहितांना
मनोमन ठरवलं होतं की
तू जर उत्तर दिलं नाहीस
तर जगायचंच नाही..
.
मरून जायचं..!
.
तर मग
बघत बसलो
तुझ्या उत्तराची वाट..!
.
दिवस, महिने, वर्षे
उलटून गेली..!
.
मग एक दिवस कंटाळून
मीच गेलो तुझ्या पत्त्यावर..
अन्
मीच मला लिहून टाकलं
माझ्याच पत्राचं उत्तर..!
.
हो..!
मीच..!!
.
आणि पुन्हा घरी येऊन,
तुझ्या पत्त्यावरून आलेलं
ते पत्र वाचून घेतलं..!
.
पण मी मेलो नाही..!
.
माझ्यासारखा निर्लज्ज माणूस
जगाच्या पाठीवर कोणीच नसेल..!
अन् तुझ्यासारखी
दुर्लक्ष करणारी बाई तर नाहीच्चै..!!
****