आजकाल कुत्रे फार भुंकत असतात..
पण तुम्ही घाबरू नका..
पण तुम्ही घाबरू नका..
सत्ता, संपत्ती अन् जनमत
तुमच्या बाजूने असल्यावर
तुम्हाला
भुंकणाऱ्या कुत्र्यांची चिंताच कशाला..!
पण काही कुत्रे
तुमच्यासाठी घातक ठरू शकतात..
कारण त्यांचे भुंकणे
नियमबध्द अन् सुसंगत असते..
असू द्यात..
भांग मिसळून
चार-दोन बिस्किटे फेकली की
त्यांची लय तुमच्या ताब्यात येते..
पण मग नंतर
हे कुत्रे पुन्हा पुन्हा
बिस्किटे मागू लागतात..
बिस्किटांचा खर्च
जास्त व्हायला लागल्यावर
बिस्किटात द्या थोडंसं जहर मिसळून..!
आता ही कुत्री भुंकायची तर बंद होतीलच...
उलट
जहरावरचा उपाय शोधत शोधत
तुमच्या पायाशी येतील..
मजबुरीतून तुमचे पाय चाटणाऱ्या कुत्र्यांची
अशी पोसलेली फौज
हेच तर तुमचं वैभव आहे..
पण
तरीही तरीही तरीही तरीही...
जे कुत्रे तुमच्या
सत्तेला, संपत्तीला,
बिस्किटांना अन् धमक्यांना
अजिबात जुमानत नाहीत..
ते हडकुळे स्वाभिमानी कुत्रे
एक दिवस
तुमच्या नरडीचा घोट घेतल्याशिवाय
राहणार नाहीत..
हे कायम लक्षात असू द्या..!!
***