झुळुक

.
तुमचा
रस्ता तोच आहे..
पण
रस्त्यावरची झाडं
नाहीयेत आता...
.
त्यामुळं
'रस्ता चुकलाय'
असं तुम्हाला उगाच वाटतंय..
.
झाडांना
निर्दयीपणे विसरायला शिका..
.
मग कालांतराने
हा रस्ताही
तुम्हाला
ओळखीचा वाटू लागेल..!
.
असो..
पण झाडं निष्ठूर असतात..
.
तुमच्या
विस्मृतींच्या असीम अनंतराळात
ती राखून असतात
त्यांचं अस्तित्व..!
.
तुमच्या
पुढील उण्यापुऱ्या आयुष्यात
येत रहाते अधूनमधून
एखादी
जहरी झुळुक..!

***