वाफ

.
पायी चालणाऱ्याला
सायकल हवीय,
सायकलवाल्याला बाईक
अन् बाईकवाल्याला कार हवीय..
.
हॕचबॕकवाला सेडानसाठी
नि सेडानवाला
लक्झरी एसयुव्हीसाठी झुरतोय..
.
बेघराला घर हवंय
झोपडीवाल्याला वनरूमकिचन
अन्
वनरूम किचनवाल्याला
टू बीएचके हवाय..
.
थ्री बीएचके वाला पेन्टहाऊससाठी
अन् पेन्टहाऊसवाला
फार्महाऊस बँगलोसाठी
मरमर करतोय..
.
अशा
कित्येक पायऱ्या आहेत..
.
तुम्ही
यापैकी
एखाद्या पायरीवर जन्माला येता..
.
अन्
जीतोड मेहनत किंवा
लांड्यालबाड्या करून
दोनचार पायऱ्या वर चढता..
.
मग
यातल्याच एखाद्या पायरीवर
तुमची यथासांग वाफ होते..!
****