कोण तू..!
कुठून आलास..!!
कशासाठी !!!
.
तुझ्या येण्याने काय फरक पडला..!
तू नसता आलास तर
काय बंद पडलं असतं... !!
.
आहेस कशासाठी..!
.
तुझ्या असण्याने काय फरक पडतो.. !!
आणि नसण्याने काय बिघडतं.. !!!
.
जाणार कुठे आहेस...!
.
गेल्याने काय फरक पडणारै..!!
आणि न गेल्याने काय बिघडणारै..!!!
.
जन्म घेणं..
जवान होणं..
जन्माला घालणं.., आणि
ज्याला जन्म दिला त्याला,
जन्म देण्यालायक बनवणं..!
.
संपलं की तुझं तथाकथित इतिकर्तव्य..!!
.
तुला माहित्यीये..?
जगातले असंख्य जीव, जंतू, किडे नि झाडं
हेच इतिकर्तव्य करतात..!!
.
तू वेगळं काय करतोस..!!!
***
