कट्टर...

अंगभर..
काळा बुरखा पांघरून..
काळ्याभोर भिरभिरत्या डोळ्यांनी
अन् लांबसडक गो-यापान बोटांनी
त्या पोरी रंगीत कपड्यांच्या
सगळ्या छटा पारखत असतात...
.
परंपरांचा पोलिओ झालेला
तरणाबांड समाज
युरोपियन मासिकातल्या सुंदर
नायिकांची चित्रे
न्याहाळत असतो....
.
कट्टर रंगाचा प्रोफाईल
फोटो लावून
याची त्याची आयभैन एक करतांना
तो अधून मधून
अॉस्ट्रेलियन तरूणीने
त्याची रिक्वैस्ट अक्सेप्ट
केलीय का.. ते तपासत असतो..
***